პირველი ფოტოები ქარხნიდან - როგორი ავტობუსები ივლის სექტემბრიდან თბილისში

ახალი ავტობუსები, რომლებიც სულ მალე დედაქალაქში შორ დისტანციებსა და ფართო გამტარუნარიანობის ქუჩებში ივლის, გერმანული კომპანია Man Truck and Bus AG-ის ქარხნებში ეწყობა.

თბილისის მერი დავით ნარმანია პროცესის პირადად გაცნობის მიზნით, პოლონეთში გუშინ გაემგზავრა.

ქართული დელეგაციის წევრებმა ქარხნები დაათვალიერეს, სადაც ის ავტობუსები იწყობა, რომლებიც მალე თბილისის ქუჩებში ივლის.

„დიახ, ეს ის არის და ივლის თბილისში! სექტემბრის ბოლოდან პირველი 10, დანარჩენი 143 ეტაპობრივად“, - წერს ლექვინაძე სოციალურ ქსელში და ფოტოებს ავრცელებს.

მერთან ერთად, პოლონეთის რესპუბლიკაში მერის მოადგილე ირაკლი ლექვინაძე, შპს "თბილისის სატრანსპორტო კომპანიის" გენერალური დირექტორი ნუგზარ ჭეიშვილი და საკრებულოს წარმომადგენლები იმყოფებიან.

თბილისის მერის პოლონეთში ვიზიტი 8 სექტემბერს დასრულდება.






წყარო:скачать dle 11.0фильмы бесплатно