ბათუმის ბულვარში თელავის თეატრი სპექტაკლს „ჰორაციო“ წარმოადგენს

ბათუმის ბულვარში თელავის თეატრი სპექტაკლს „ჰორაციო“ წარმოადგენს

ბათუმში, პროექტის - Heat Batumi ფარგლებში, ქუჩის თეატრის პროექტი Street Theatre Project გაიმართება. როგორც ”ინტერპრესნიუსს” კულტურისა და ძეგლთა დაცვის სამინისტროდან აცნობეს, დღეს, ბათუმის ბულვარში , „კოლონადებთან“, წარმოდგენილი იქნება თელავის თეატრის სპექტაკლი „ჰორაციო“.

მათივე ცნობით, ფესტივალის ფარგლებში, ბათუმის ბულვარში, საქართველოს და სხვადასხვა ქვეყნის თეატრები წარმოდგენებს გამართავენ, ღია ცის ქვეშ მაყურებელთა წინაშე რუსთაველის, თელავის, ილიაუნის, მოზარდმაყურებელთა, სოხუმის, ბათუმის თოჯინების, ახალციხის, მუსიკისა და დრამის და პანტომიმის თეატრები წარსდგებიან.

როგორც სამინისტროს პრესსამსახურში განმარტავენ, პროექტის ფარგლებში, ბათუმს სლოვაკეთის (BIG NAMES), საფრანგეთის (TRANSE EXPRESS,TAMBOURS & GIANT DOLLS), რუსეთის (პატარა ისტორიები - ჯამბზის შოუ), ესპანეთის (CAMUT BAND), დიდი ბრიტანეთის (FRANTIC, SPARK) დასები ესტუმრებიან და მაყურებელს საინტერესო სანახაობას შესთავაზებენ; ხოლო 9-10 აგვისტოს, ბათუმის ლიტერატურულ კაფეში პოეზიის საღამოები მოეწყობა, რომელშიც მონაწილეობას მიიღებენ კატო ჯავახიშვილი, ნიკა ჯორჯანელი და ზვიად რატიანი.

პროექტის ფარგლებში, 12 აგვისტოს, კი ე.წ ”კოლონადებთან“ The Quintessence - ის კონცერტი მოეწყობა.

”ქუჩის თეატრის პროექტი“ საქართველოს მთავრობის ინიციატივით დაწყებული მასშტაბური პროექტის Check in Georgia ფარგლებში იმართება”, - აცხადებენ სამინისტროში.

წყაროскачать dle 11.0фильмы бесплатно
                 
  • დღეს
  • კითხვადი
Facebook