ალექსანდრ ლუკაშენკო სტივენ სიგალს რეზიდენციაში სტაფილოთი გაუმასპინძლდა

ამერიკელმა მსახიობმა, სტივენ სიგალმა ბელარუსში ვიზიტისას ქვეყნის პრეზიდენტის ალექსანდრე ლუკაშენკოს გარეუბანში მდებარე რეზიდენცია მოინახულა. ამის შესახებ ინფორმაციას პრეზიდენტის პრესსამსახური ავრცელებს.

მედიის ინფორმაციით, მსახიობი მინსკში კომპანია Wargaming-ის წარმომადგენლებს შეხვდა, რომლებიც პოპულარული თამაშის World of Tanks-ის დეველოპერები არიან. მოლაპარაკებების დასრულების შემდეგ, სიგალი ქვეყნის პრეზიდენტს საკუთარ რეზიდენციაში ეწვია.


ლუკაშენკომ ჰოლივუდის მსახიობს საკუთარი წიგნი აჩუქა. ცნობილი მსახიობის განცხადებით, ის წარმოშობით ბელარუსიდანაა. ბელარუსის პრეზიდენტმა სტუმარს ტრადიციული სამზარეულო გააცნო და სტივენ სიგალს სტაფილოთი გაუმასპინძლდა.


"მიირთვით, თქვენი ჯანმრთელობისათვის ეს ძალიან სასარგებლოა ", - ურჩია ლუკაშენკომ სიგალს.

წყარო

скачать dle 11.0фильмы бесплатно