2014 წლის 17 ივლისს უკრაინის ტერიტორიაზე „მალაიზიური ავიახაზების“ კომპანიის ბოინგი 777-ის ჩამოვარდნის ფაქტთან დაკავშირებით ბევრი ვერსია გავრცელდა, მაგრამ გამოძიებას საბოლოო დასკვნა ამ დრომდე არ გამოუტანია. ცნობისთვის, ავიაკატასტროფას 298 ადამიანის სიცოცხლე შეეწირა.
საერთაშორისო საგამოძიებო ჯგუფმა, რომელიც MH17 რეისის კატასტროფის საქმეს იკვლევდა, 28 სექტემბერს დაღუპულთა ოჯახის წევრებს ანგარიში გააცნო. გამომძიებლები მივიდნენ იმ დასკვნამდე, რომ ბოინგის კატასტროფა „ბუკის“ საზენიტო დანადგარმა გამოიწვია, მაგრამ ვერ დადგინდა კონკრეტულად საიდან და ვის მიერ მოხდა საზენიტო რაკეტის სროლა.
ექსკლუზიურ ინტერვიუში, უკრაინის არმიის ყოფილი სამხედრო იური ბატურინი, რომელიც ხარკოვის ოლქში მდებარე საზენიტო-სარაკეტო დანაყოფის უფროსი იყო და აკონტროლებდა იმ საჰაერო სივრცეს, სადაც აღნიშნული ბოინგის ავიაკატასტროფა მოხდა, ამტკიცებს, რომ „ბუკის“ საზენიტო დანადგარიდან გასროლა სწორედ იმ ტერიტორიიდან მოხდა, რომელსაც უკრაინის ხელისუფლება აკონტროლებდა და პასუხისმგებლობაც კიევს უნდა დაეკისროს.
