მოსკოვი გამოთქვამს მზადყოფნას, ნორმალიზდეს საქართველოსთან ურთიერთობები, თუ თბილისიც მზად იქნება ასეთი ნაბიჯების გადადგმისთვის. ამის შესახებ რუსეთის საგარეო საქმეთა მინისტრის მოადგილემ, მიხაილ გალუზინმა, უზბეკეთის პრეზიდენტთან არსებული "ვალდაის" სადისკუსიო კლუბისა და სტრატეგიული და რეგიონთაშორისი კვლევების ინსტიტუტის რუსეთ-უზბეკეთის კონფერენციის ფარგლებში მიცემულ ინტერვიუში განაცხადა.„
ჩვენ მზად ვართ, წავიდეთ იქამდე, რამდენადაც თბილისი იქნება მზად ურთიერთობების ნორმალიზებისთვის“, - განაცხადა დიპლომატმა. „რა თქმა უნდა, ჩვენ ველით, რომ ჩვენი ურთიერთობები საქართველოსთან, მათში არსებული ცნობილი პოლიტიკური პრობლემების მიუხედავად, სტაბილურად განვითარდება იქ, სადაც ორივე მხარე მზად იქნება ამისთვის, სადაც ეს ორმხრისთვის იქნება სასარგებლო“, - დაარწმუნა რუსეთის საგარეო საქმეთა მინისტრის მოადგილემ.
გალუზინმა აღნიშნა, რომ „დღეს აქტიურად ვითარდება ეკონომიკური, სატრანსპორტო და ტურისტული კავშირები. შესაბამისად, ვიმედოვნებთ, რომ ქართული მხარეც დაინტერესებულია რუსეთთან კონსტრუქციული ურთიერთობებით, ყველა პოლიტიკური სირთულის მიუხედავად“, - აღნიშნა მან.
მინისტრის მოადგილემ გაიხსენა საერთაშორისო კულტურული თანამშრომლობის საკითხებში რუსეთის პრეზიდენტის წარმომადგენლის, მიხაილ შვიდკოის ბოლოდროინდელი ვიზიტი სრულიად საქართველოს კათოლიკოს-პატრიარქის, ილია II-ის დაკრძალვაზე. „
ჩვენ ღრმა პატივისცემას გამოვხატავთ გარდაცვლილი სრულიად საქართველოს კათოლიკოს-პატრიარქის მიმართ. ის იყო ჭეშმარიტად საქართველოს ეროვნული სულიერი ლიდერი, ადამიანი, რომელიც იცავდა ტრადიციულ ღირებულებებს, მართლმადიდებლურ ტრადიციებს და მართლმადიდებლობის ერთიანობას და მაღალი ავტორიტეტით სარგებლობდა მთელ მსოფლიოში“, - განაცხადა გალუზინმა. მან დასძინა, რომ
„შვიდკოიმ გამოუცხადა სამძიმარი საქართველოს მართლმადიდებლური ეკლესიის სასულიერო პირებს და ქართველ ხალხს პატრიარქის გარდაცვალების გამო. რა თქმა უნდა, მხოლოდ ეს ფაქტი მოწმობს ჩვენს ხალხებს შორის კულტურულ, ისტორიულ და სულიერ სიახლოვეს. ჩვენ, ბოლოს და ბოლოს, საერთო ღირებულებებითი საფუძველი გვაქვს“, - ხაზი გაუსვა საგარეო საქმეთა მინისტრის მოადგილემ.
წყარო:
tass.ruскачать dle 11.0фильмы бесплатно
