საქართველოს ეროვნულმა საკალათბურთო ნაკრებმა ევრობასკეტის შესარჩევ მატჩში ალბანეთის ნაკრები დაამარცხა. ქართველმა კალათბურთელებმა ალბანელები ტირანაში, მათსავე მოედანზე 20-ქულიანი სხვაობით, 84:64 დაამარცხა.
ქართველი კალათბურთელებიდან ყველაზე შედეგიანი ნაკრების კაპიტანი ზაზა ფაჩულია იყო, რომელმაც 20 ქულა მოაგროვა, 15 ქულის მოგროვება შეძლო გიორგი შერმადინმა, 12-12 ქულა კი მეტოქეს თორნიკე შენგელიამ და დიქსონმა ჩაუგდეს. ალბანელთაგან ყველაზე შედეგიანი კი ბროადუსი იყო, რომელმაც 26 ქულის მოგროვება შეძლო.
საქართველოს საკალათბურთო ნაკრებმა ევრობასკეტი 2017-ის შესარჩევ ეტაპზე, F ჯგუფში მესამე გამარჯვება მოიპოვა და 3 მოგებითა და 1 წაგებით ჯგუფში მეორე ადგილს იკავებს.
